Connect with us

Politics

የትራምፕ አጋር የሆኑት ሰው በኦባማዎች ላይ የተናገሩት ንግግር እያወዛገበ ነው

Published

on

ካርል ፓላዲኖ

ሰውየው ትኩረት ለማግኘት ስል የተናገርኩት ነው ቢሉም ንግግራቸው እያስተቻቸው ይገኛል
የቀድሞ ለኒውዮርክ ከተማ ገዢነት እጩ ሆነው የቀረቡትና አሁን ላይ የአወዛጋቢው ተመራጭ ፕሬዘዳንት ዶናልድ ትራምፕ ዋነኛ አጋር የሆኑት ሰው ካርል ፓላዲኖ በኦባማዎች ላይ አወዛጋቢ ንግግር መሰንዘራቸው ተዘገበ፡፡

ሰውየው ለአንድ ሳምንታዊ መጽሄት ሰጡት በተባለ ቃለምልልስ ላይ ኦባማዎች በአፍሪካ ተሰደው ቢሞቱ የሚል ይዘት ያለው ንግግር የተናገሩ ሲሆን የኋላ ኋላ ግን ይህን አስተያየት የሰጡት ትኩረት ለመሳብ መሆኑን ገልጸዋል ተብሏል፡፡ ታይም በዘገባው ሰውየው ላይ ትችት እየጎረፈ ነው ያለ ሲሆን ንግግራቸው በእጅጉ እያወዛገበ እንደሚገኝ ጠቅሷል፡፡

ለመጽሄቱ የባእል ምኞታቸውን እንዲናገሩ ከተጋበዙ ሰዎች መካከል ካርል ፓላዲኖ አንዱ እንደነበሩ የተናገረው ታይም በዚህ አጋጣሚ ሰውየው ኦባማዎችን መራገማቸውን ዘግቧል፡፡

ኦባማ ከከብቶች ጋር ተራክቦ ፈጽመው በከብት በሽታ እንዲሞቱ እመኛለሁ ያሉት ሰውየው ሚሼል ኦባማ ደግሞ ጾታቸው ወደወንድነት ተቀይሮና ወደዚምባብዌ ተሰደው በዋሻ ውስጥ ከጉሬላዎች ጋር እንዲኖሩ እመኛለሁ በማለት ተሰናባቹን ፕሬዘዳንትና ሚስታቸውን ክፉ ተመኝተውላቸዋል፡፡

ይህ የሰውየው ንግግር ወዲያውኑ በዘረኝነት የተተረጎመባቸው ሲሆን የተለያዩ መገናኛ ብዙሀንም ጉዳዩን እንደተቀባበሉት ተነግሯል፡፡ ይሁን እንጂ ንግግራቸው ከዘረኝነት ጋር ምንም ግንኙነት እንደሌለው የገለጹት ካርል ፓላዲኖ ላለፉት 8 አመታት ሀገሬን በብዙ መልኩ ላደቀቁ ሰዎች ይህን መመኘቴ ሲያንሳቸው ነው ብለዋል፡፡ ንግግራቸው የሰዎችን ቀልብ ለመሳብና ትኩረት ለማግኘት ሲባል የተደረገ መሆኑን የገለጹት ፓላዲኖ ይህን

በመናገሬ ከልቤ እንደምደግፈው የሚያውቀው ትራምፕ አይቀየመኝም ብለዋል፡፡
ይህን የካርል ፓላዲኖን ንግግር ተከትሎ አስተያየት የሰጡ ፖለቲከኞች በበኩላቸው ሰውየው የሚናገረውን የማያውቅና ቀፎ ጭንቅላት መሆናቸውን በመጥቀስ የትችት ናዳ እንዳወረዱባቸው ታይም ዘግቧል፡፡time

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close