Connect with us

Law or Order

እስራኤል ለመጀመሪያ ጊዜ ቤተእስራኤላዊያንን በዳኝነት ሾመች

Published

on

ቤተእስራኤላዊያንን በዳኝነት

ሁለት ቤተ እስራኤላዊያን እንስቶችን በዳኝነት መሾማቸው ተነግሯል
የእስራኤል የወሬ ምንጮች እንደዘገቡት ከሆነ ሀገሪቱ ማክሰኞ እለት ሁለት እንስት ቤተ-እስራኤላዊያንን በፍርድ ቤት ዳኝነት መሾሟ ታውቋል፡፡

ኤስቴር ታፔታ ጋርዲ እንዲሁም አዴንኮ ስብሀት ሀይሞቪች የተባሉት ሁለቱ ቤተ እስራኤላዊያን የህግ ባለሙያ እንስቶች ቃለ መሀላ በመፈጸም በዳኝነት ዘርፍ መመደባቸው ተነግሯል፡፡ ሁለቱ እንስቶች እንደየቅደምተከተላቸው የሀይፋ አካባቢ ትራፊክ ፍርድ ቤት እንዲሁም የመስተዳድር ፍርድ ቤት ዳኞች ሆነው ይሰራሉ ተብሏል፡፡

ባሳለፍነው መስከረም ለዳኝነት ሹመቱ የታጩት ኢትዮ-አይሁዳዊያኑ ለዚህ ደረጃ መብቃታቸው በዛ ለሚኖሩ ቤተ-እስራኤላዊያን ማህበረሰብና ለሀገሪቱ ጭምር እጅግ ትልቅ እርምጃ ነው እየተባለ ይገኛል፡፡ በእስራኤል የሚገኙ ቤተ እስራኤላዊያን ማህበረሰብ አባላት የሁለቱን እንስቶች ለዚህ ደረጃ መብቃት በበጎ እንደተቀበሉትም ተዘግቧል፡፡

ቤተ እስራኤላዊያን በሄዱበት እስራኤል በርካታ ማህበራዊ፣ ፖለቲካዊና ኢኮኖሚያዊ መድሎ እንደሚደርስባቸው ይነገራል፡፡ ቤተ እስራኤላዊያኑ ለረጅም ጊዜ የእኩል ተጠቃሚነት ጥያቄ ሲያነሱ መቆየታቸው ለዚህ አንድ ማሳያ ነው፡፡ ከቅርብ ጊዜ ወዲህ የእስራኤል መንግስት ይህን ሁኔታ ለመቀየር እየተንቀሳቀሰ እንደሚገኝ ይናገራል፡፡

በቅርቡ ቤተ እስራኤላዊያኑ ደም መለገስ አይችሉም የሚለው የጤና መስሪያ ቤት እገዳ እንዲነሳላቸው መደረጉ ይታወሳል፡፡ አሁን ደግሞ ለመጀመሪያ ጊዜ ሁለት እንስት ቤተ እስራኤላዊያን በዳኝነት ተሹመዋል፡፡ jpost

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close