Connect with us

Featured

ሱዳን ከኢትዮጵያ 300 ሜጋ ዋት የኤሌክትሪክ ኃይል መግዛት እፈልጋለሁ አለች

Elias Tesfaye

Published

on

የኤሌክትሪክ ኃይል

(ኤፍ.ቢ.ሲ) ሱዳን ከኢትዮጵያ 300 ሜጋ ዋት የኤሌክትሪክ ኃይል መግዛት እንደምትፈልግ ገለጸች።

የአገሪቱ የውሃ መስኖና ኤሌክትሪክ ኃይል ሚኒስትር በአዲስ አበባ በተካሄደው የኢትዮ-ሱዳን የቴክኒክ አማካሪ ስብሰባ ላይ እንዳሉት አገራቸው ከኢትዮጵያ 300 ሜጋ ዋት የኤሌክትሪክ ኃይል የመግዛት ፍላጎት አላት።

300 ሜጋ ዋት ኃይል ማስተላለፍ የሚችል መስመር ተዘርግቶ ከ2006 ዓ.ም ጀምሮ ሱዳን በየወሩ 100 ሜጋ ዋት የኤሌክትሪክ ኃይል በማግኘት ላይ መሆኗን የገለጹት ሚኒስትሩ ይህን ወደ 300 ሜጋ ዋት የማሳደግ ፍላጎት እንዳላት ተናግረዋል።

አገራቱ ከጉባ ወደ ካርቱም 3 ሺህ ኪሎ ዋት ኃይል መሸከም የሚችል የኃይል ማስተላለፊያ መስመር ለመገንባት ተስማምተዋል።

“በስምምነቱ መሰረት የዲዛይን ስራውን በጋራ ሰርተን አጠናቀን ወደ ቀጣይ ስራው በመሸጋገር ላይ ነን” ያሉት ሚኒስትሩ፥ የህዳሴው ግድብ ግንባታ ሲጠናቀቅ ሱዳን ከኢትዮጵያ እስከ 1 ሺህ ሜጋ ዋት የመግዛት እቅድ አላት ብለዋል።

የውሃ መስኖና ኤሌክትሪክ ሚኒስትሩ አቶ ሞቱማ መቃሳ በበኩላቸው፥ “ከሱዳን የቀረበልን የኃይል ግዢ ጥያቄ ከአገሪቱ ፍላጎት ጋር በተጣጣመ መንገድ ይመለሳል” ብለዋል።

Documentary showing the 5th year status of Grand Ethiopian Renaissance Dam

በዓመት ሁለት ጊዜ በአዲስ አበባና ካርቱም የሚካሄደው የኢትዮ-ሱዳን የቴክኒክ አማካሪ ስብሰባ የሁለትዮሽ ጥቅምን የሚያረጋግጡ የኃይል ንግድና ልማት፣ መረጃ ልውውጥ፣ የውሃ ጥናትና ምርምር እንዲሁም ሌሎችም መሰል ስራዎች የሚከናወኑበት መድረክ ነው።

ታላቁ የኢትዮጵያ ህዳሴ ግድብ ከሚገነባበት ጉባ ወደ ካርቱምና ሌሎች አገራት ኃይል መሸጥ የሚያስችል 3 ሺህ ኪሎ ዋት መሸከም የሚችል የኃይል ማስተላለፊያ መስመር ግንባታን ለማስጀመር በጀት በመመቻቸት ላይ መሆኑንም ተናግረዋል።

በየጊዜው እያደገ የሚመጣውን የአገሪቱ የኤሌክትሪክ ፍላጎት ማርካት የሚችል አቅርቦት ከማመቻቸት ባለፈ ለጎረቤትና ለሌሎች አገራት ኃይል በመሸጥ የውጭ ምንዛሪ ለማግኘት ታቅዶ እየተሰራ ይገኛል ማለታቸውንም ኢዜአ ዘግቧል።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close