Connect with us

Ethiopia

Ethiopia Protests Prompts Government Shutdown Internet

Elias Tesfaye

Published

on

Ethiopian Protesters

The mounting tension in Ethiopia following deadly protests has prompted the government to close down the use of Internet. The government has accused activist groups in Diaspora of using social media in calling people to protest. However, the government did not give a comprehensive reason for its action.

Recently, more than 50 people died in a protest that ensued in a religious festival event held in Oromia. According to opposition groups in Ethiopia, the security forces opened fire to protesters killing a big number.

Others died as a result of stampede after being trampled down by others. The Prime Minister, Hailemariam Desalegn, defended the security forces insisting the death toll was as a result of the stampede.

Protests persist

A reliable source has said that the protests seem to persist in spite of the government restraint efforts. The recent protests have taken place at the outskirts of Addis Ababa city. Alem Gena and Sebeta have been a no go zone with heavy security personnel patrolling the areas. Roads had been blocked by protesters who had torched a truck paralyzing transportation of people and goods.

The anti-government protests started on November 2015 following a government plan to expand the Oromia region. Instead, the residents resisted accusing the government for lack of prior compensation. The recent protests have now been witnessed in Amhara region and in Diaspora.

Over 500 dead

A human rights watch group, said the protests have resulted to death of over 500 people. The recent death toll is controversial after the government reported 55 dead while the activist groups report a hundred people.

The recent death case has been that of University of California Davis postdoctoral student who was killed by protesters.  The human rights watch has also accused the Human Rights Council for lack of addressing the matter.

READ  Report: Internet shutdowns cost Ethiopia $9 million in the past few months

Elias Tesfaye is an Associate at news.et. ‘Elias is a lawyer by profession and a photographer by training. He believes that the status quo is never good enough and that life is best lived to the fullest.

Ethiopia

የዘንድሮ የኢሬቻ በዓልን በታጠቀ ሀይል አይታጀብም

Elias Tesfaye

Published

on

ኢሬቻ

(የድሬቲዩብ ዜና | Addis Ababa) የዘንድሮን የኢሬቻ በዓል ለማክበር አስፈላጊ ቅድመ ዝግጅት መጠናቀቁን፣ በዕለቱ የታጠቀ ፓሊስ እና የፓለቲካ ፓርቲ ሰንደቅ ዓላማ እንደማይኖር የአባ ገዳዎች ህብረት አስታወቀ።

የኦሮሞ አባ ገዳዎች ህብረት ከኦሮሚያ ክልል ባህልና ቱሪዝም ቢሮ ጋር በመሆን በበዓሉ አከባበር ዙሪያ በትናትናው እለት መግለጫ መስጠታቸውን የፌደራል የመንግሥት ኪምኒኬሽን ጵ/ቤት ዘገባ ያሳያል።

በመግለጫቸውም መስከረም 21 ቀን 2010 የሚከበረውን የኢሬቻ በዓል ሰላማዊ በሆነ መልኩ ለማክበር አስፈላጊ ቅድመ ዝግጅት ተጠናቋል ።

የዘንድሮውን የኢሬቻ በዓል አከባበር የሚያስተባብሩ 300 ወጣቶች መመረጣቸውንም የኦሮሞ አባ ገዳዎች ህብረት አስታውቋል።

በበዓሉ ላይም የጦር መሳሪያ የታጠቀ ፖሊስ እንደማይገኝ የኦሮሚያ ክልል መንግስት ማረጋገጡን የአባ ገዳዎች ህብረት ሰብሳቢ እና የቱለማ አባ ገዳ በየነ ሰንበቶ ተናግረዋል።

የኢሬቻ በዓል በሚከበርበት ስፍራ ላይም ሀገሪቱን የሚያስተዳድረውን ፓርቲ ጨምሮ የማንኛውም የፖለቲካ ፓርቲ ሰንደቅ ዓላማ እንዳይውለበለብ መወሰኑንም አስታውቀዋል።

የኦሮሚያ ባህልና ቱሪዝም ቢሮ ሃላፊ ወይዘሮ ሎሚ በዶ በበኩላቸው፥ ስፍራው የፖለቲካ መድረክ ከመምሰል በፀዳ መልኩ የኦሮሞ ባህልን በማንፀባረቅ የሚከበር ነው ብለዋል።

የኦሮሚያ ፖሊስም ያለ ምንም ትጥቅ ከዳር በመሆን በዓሉን ለማክበር ከመጡት ጋር ተቀላቅለው ጥፋት ለመፈፀም የሚንቀሳቀሱ አካላትን የመከላከል ስራ ይሰራል ሲሉም ተናግረዋል።

በበዓሉ ላይ የሚሳተፉ ሰዎችን የመፈተሽ ስራ የሚሰሩትም በአባ ገዳዎች የተመረጡት 300 ወጣቶች መሆናቸውንም ወይዘሮ ሎሚ ተናግረዋል። DireTube.com

READ  የኢንዱስትሪ ሚኒስቴር ምርታቸውን ለውጭ ገበያ በማያቀርቡ አምራቾች ላይ ቅጣትን ተፈጻሚ ሊያደርግ ነው
Continue Reading

Ethiopia

ተስፋ የሚጣልባቸው አጥፊዎች | በያሬድ ነጋሽ

Published

on

ተስፋ የሚጣልባቸው አጥፊዎች | በያሬድ ነጋሽ

ተስፋ የሚጣልባቸው አጥፊዎች | ያሬድ ነጋሽ በድሬቲዩብ

በሌብነት፣ በግድያ፣ በሙስና፣ በሴሰኝነት ፤ ሲያልፍም በሀገር ክህደት ፣ በስልጣን መባለግ እና በሌሎችም ጥፊቶች ውስጥ ተዘፍቀው የሚገኙ አጥፊዎች አንዳንድ ጊዜ ተስፋ የሚጣልባቸው ሆነው እናገኛቸዋለን፡፡

መስረቁ ልክ እንደሆነ አምኖ ከሚሰርቅ ሌባ መስረቅ ሀጥያት እንደሆነ ያመነ ሌባ ተስፋ ይጣልበታል፡፡ ምክንያቱም አንድ ቀን በላብ እና በወዙ ማደር እንዳለበት ልብ ብሎ ሌብነቱን ያቆም ይሆናል፡፡ የሁሉ አይቅርብኝ ህይወትና የሴት አውል ኑሮ ኩራት ካላበሰው ሴሰኛ ይልቅ የሰው ልጅ አንድ ለአንድ መወሰን እንደሚገባው አምኖ የሚኖር ወስላታ ተስፋ ይጣልበታል፡፡ ምክንያም አንድ ቀን በአንድ ጣሪያ ስር ከአንዲት ወዳጁ ጋር መኖር እንደሚገባው ደምድሞ ትዳር ይመሰርት ይሆናል፡፡

ህዝብ ለአላማ በሰጠው ስልጣን ሲሾም ያልበላ ሲሻር ይቆጨዋል በሚል ብሂል ተደላድሎ በስልጣን መባለጉ ተገቢ እንደሆነ አምኖ ከሚኖር ሹመኛ ይልቅ በስልጣን መባለጉ ተገቢ እንዳልሆነ አምኖ የንስሀ እድሜ ፈጣሪ እንዲሰጠው የሚመኝ ባለ ወንበር ተስፋ ይጣልበታል፡፡ ምክንያቱም አንድ ቀን ከስልጣኑም ሳይወርድ ህዝብ እንዴት ማስተዳደር እንደሚገባው ጥበቡን አግኝቶ ህዝብ ሊክስ ይችላል፡፡

ጥፋታቸው የደመ ቀ፣ ፀሀይ የሞቀው እና ሀገር ያወቀው የአደባባይ ሚስጥር ሆኖ ፤ ለአጥፊዎቹ በበርካታ ሰዎች ከወግ ፣ ከባህል፣ ከአሰራር ፣ ከታሪክ ፣ ከሀይማኖትና ከሳይንስ አንፃር ተጣቅሶ እየሰሩት ያለ ስራ ጥፋት እንደሆነ እየተነገራቸው ፤ ባደረሱት ጥፋት ከዳር ዳር ተላቅሶ ፣ ከዳር ዳር ደም ተቃብቶ ፣ ከዳር ዳር ጩኸቱ እና ዋይታው በዝቶ ሳለ ለደም መቃባቱ ፣ ለዋይታውና ለለቅሶው ምክንያት የራሳቸውን መላምት ከመደርደር ውጪ ጥፋታቸውን ሳያምኑ ልክ እንደሆነ የሚሰማቸው አጥፊዎች ሲበዙ ግን ተስፋ ያሳጣል ፤ ተስፋ ያስቆርጣል፡፡

READ  በአዲስ አበባ ከተማ 741 ቦታዎች ለዓመታት ታጥረው መቀመጣቸው ተጠቆመ

ሀገር እየመራንበት ያለው መንገድ ብዙሀኑን ከሀገርኛ ሀሳብ ይልቅ በቀበልኛ ደቃቃ ክፍልፋይ ውስጥ እንዲወድቀ እያደረገው ስለሆነ ይሄ የአመራር ጥፋት ሊታረም ይገባል በርካቶች ቢሉም ይህንን ጥፋት አርሞ ለማስተካከል ከመጣር ይልቅ ዲሞክራሲያዊ ብሔትተኝነትን ይለምልም በሚል እንግዳ ቃል ታጅቦ ልክ እንደሆነ እያሰብን አመራራችን ትክክልና እንከን የማይወጣለት ነው ብለን ስንናገር ዜጎች በመሪያቸው ላይ ተስፋ ያጣሉ፡፡

ከጎረቤት ሀገራት ጋር ያደረግናቸው ቀደምት አታካች ደም አፋሳሽ ጦርነቶች ሳያንሰን ሀገሬው እርስ በራሱ ተላለቀ እኮ ሲሉን ሀገር እያስተዳደርንበት ካለው መንገድ ውስጥ ጥፋት የሆነው የቱ ጋር ነው ብሎ ከመፈተሸ ይልቅ ጥፋቱ ከእኛ ሳይሆን ብዝሀነትን በአግባቡ ማስተናገድ የተሳናቸው የቀድሞ ነገስታት ቀብረውት የሄዱት ፈንጅ መፈንዳት ስለጀመረ ነው ስንል ሀገሬው በመሪው ላይ ተስፋ ይቆርጣል፡፡

የሀብት ክፍፍል ሚዛናዊነት መለኪያ ሳንጠቀም አንዱ የቤቱ ጣሪያ ላይ የመዋኛ ገንዳ ሰራ አንዱ ደግሞ የቤቱ በስባሳ ቋሚ ከማገር ተላቆ ጣሪያው እላዩ ላይ ወደቀበት ሲባል ጥፋቱ የቱ ጋር እንደሆነ ከመፈተሽ ይልቅ የኢኮኖሚው መነቃቃት የፈጠረው ነው እያልን እያለፍን ሲሆን ያኔ ነዋሪው በአስተዳደሩ ላይ ተስፋው ይጨልማል፡፡

ምንም እንኳን ሀገሪቷን ከጭቆና አገዛዝ በዲሞክሲዊ ጥምቀት ነፃነትን እና ፍትህን አሰፈንላት ስንል እውነት መስሎን እንዳሻን ስናወራ፤ እንዳመንበት ስንፅፍ እና በራሳችን ጉዳይ ስንደራጅ በአክራሪ፣ በአሸባሪ እና ከአገር አፍራሽ ጎራ ስንመደብ ምነው ዲሞክራሲ አላልንም እንዴ ብለን ስንጠይቅ እሱን አሜሪካ ሄደህ ፈልገው ስንባል ያኔ ሀገሬው በሀገሩ ላይ ተስፋ ያጣል፡፡

ባለፉት ሶስት ዓመት ሀገሪቷ የተለያዩ የአደጋ ጊዜ ምልክቶችን ለእያንዳንዳችን የማንቂያ ደውል አድርጋ እየሰጠን እንደመጣች እስከዚች ሰዓት ድረስ እያየነው ያለ ግልፅ ጉዳይ ነው፡፡ ጥርስ መናከስ በዝቷል ፤ ቡድንተኝነቱ አይሏል ፣ ገዢው ፓርቲ ሲወርድ እንገናኛለን እየተባለ የሚዛትበት ብሔር እንዳለ እየሰማን ነው፡፡ በርካታ የእርስ በእርስ ግጭት ኮሽታዎችን ከእዚም ከእዚያኛውም ዳር መስማቱ የጠዋቱ ዜናችን ሆኗል፡፡

READ  የተንቀሣቃሽ ስልክና የኢንተርኔት ኔትወርክ መቆራረጥ አንዱ ችግር የሃይል አቅርቦት እጥረት መሆኑ ተነገረ

ግን እስከመቼ ይሆን ለሀገሬው ከአንተ በላይ እኔ አውቅልሀለው በሚል ግትርነት ውስጥ የምንከርመው ? እስከመቼስ ነው የሀገራችን ችግር ያለማንም ተሳታፊነት በእኛ ማኒፌስቶ ብቻ የሚፈታ የሚመስለን ? እየሄድንበት ያለው ከጥበብ እና ከአርቆ አሳቢነት የራቀው የሀይል ይፈታዋል መንገድ የትስ ድረስ ነው የሚያደርሱን?

አሁን ላይ ተስፋ የሚጣልባቸው አጥፊዎች ልንሆን ይገባል፡፡ መሠረታዊ ጥፋቶችን ከእኛ እያራቅን ወደ ሌላው ከመግፋት ይልቅ እንመናቸውና ለመፍትሄው እንረባረብ፡፡ ባለፈው ጊዜ በሀገሪቷ በተነሱ አለመረጋጋቶች የአስቸኳይ ጊዜ አዋጅ አውጀን ፍፁም በጉልበት በሚባል ደረጃ ገዢው ፓርቲ ለችግሩ መፍትሄ ለማበጀት ብቻውን ሲዳክር አይተናል፡፡ አሁን ላይ ግን መከላከያ ሰራዊታችን ፣ በፖሊስ ሀይላችን እና በደህንነት አባላት ብቻ መፍትሄ ለማፈላለግ የምንጥር ከሆነ የነገሮቹ አዝማሚያና መደምደሚያቸው አሳዛኝ ይሆናል፡፡

አሁን ላይ መላ ኢትዮጵያውያንን የሚያሳትፍ አስቸኳይ ጊዜ አዋጅ ሀገሪቷ ያስፈልጋታል፡፡ የፖለቲካ ልዩነቶችን አውልቀን እንጣላቻው፡፡ ሀገር እንዳይገቡ ከተከለከሉት እስከ እስር ቤት ያሉ ፖለቲከኞች ፤ ከቀለም ሙሁራን እስከ ሀይማኖት ሊሂቃን ፤ ጉልበት ካለው ጎረምሳ ልምድ እስካለው አዛውንት ድረስ ባሳተፈ መልኩ ሀገራችን የተጋረጠበት ወቅታዊ አደጋ ስር ከመስደዱ በፊት በጋራ እልባት እናብጅላት፡፡ ያኔ ተስፋ የሚጣልባቸው አጥፊዎች ተርታ እንሰለፋለን ህዝቡ በመሪው ላይ ዳግሞ ተስፋው ያብባል፡፡ ሲያልፍም እራሳችንን ከታሪክ ተወቃሽነት እናድናለን፡፡

የሀገራችን ዳግም ትንሳኤ ያሳየን አሜን!!! DIRETUBE

Continue Reading

Ethiopia

ኢዴፓ የኢህአዴግ መንግስት ለግጭት መነሻ እየሆነ ያለውን የቋንቋ ፌደራሊዝም ስርዓቱን ይፈትሽ አለ

Published

on

ኢዴፓ የኢህአዴግ መንግስት ለግጭት መነሻ እየሆነ ያለውን የቋንቋ ፌደራሊዝም ስርዓቱን ይፈትሽ አለ

መንግስት ለግጭት መነሻ እየሆነ ያለውን የቋንቋ ፌደራሊዝም ስርዓቱን ይፈትሽ!

የኢትዮጵያውያን ዴሞክራሲያዊ ፓርቲ (ኢዴፓ) በ2008 ዓ.ም እና በ2009 ዓ.ም መጀመሪያ ላይ ሃገራችን ገጥሟት የነበረው አደጋ ከፍተኛ እንደነበረ የሚዘነጋ አይደለም፡፡

ፓርቲያችን በተደጋጋሚ እየተፈጠሩ ላሉ ችግሮች የተለያዩ መነሻ ምክንያቶች ቢኖሩትም ዋነኛው የችግሩ ምንጭ ግን የኢህአዴግ ቋንቋንና ብሄረሰባዊ ማንነትን ያማከለ የፌደራል ስርዓት ነው የሚል እምነት አለው፡፡

ቋንቋንና ብሄረሰባዊ ማንነትን ዋነኛ መስፈርቱ ያደረገው የፌደራል ስርዓት ኢዴፓ ደግሞ ደጋግሞ እንደገለጸው ከአንድነት፣ ከመቻቻልና ከመከባበር ይልቅ የጎሪጥ ለመተያየትና ለኔ ብቻ የሚል የጠባብነት ስሜትን የሚፈጥር ለልዩነት በር የሚከፍት ስርዓት እንደሆነ ሲገልጽ
ቆይቷል፡፡

ነገር ግን መንግስት ለጉዳዩ ትኩረት ባለመስጠቱ ምክንያት ችግሮች ከመፈታት ይልቅ በየጊዜው እየተባባሱ ለመሄድ ተገደዋል፡፡ መንግስት በፌደራሉ ስርዓት ችግር ምክንያት የሚፈጠሩ ችግሮችን ፖለቲካዊ መፍትሄ ከመስጠት ይልቅ ግዜያዊ መፍትሄ ላይ ያተኮረ እርምጃ መውሰድ ላይ በማተኮሩ ውጥረቱ ከጊዜ ወደ ጊዜ እየተባባሰ የሃገራችንን ህልውና የሚፈታተን ደረጃ ላይ እየደረሰ ነው፡፡

ሰሞኑን በኦሮሚያ ህዝብ ክልልና በኢትዮጵያ ሶማሌ ህዝብ ክልል አዋሳኝ በሆኑ ወረዳዎች ተከስቶ ወደ ከተሞች በዘለቀው ግጭት ምክንያት ዘግናኝ አደጋ ተከስቷል፡፡ የብዙ ዜጎች ህይወት አልፏል፣ ሃብት ንብረታቸው ወድሟል፣ ዜጎች ለዘመናት በአብሮነት፣ በመቻቻል ከኖሩበት ቀዬ ተፈናቅለው ለከፍተኛ የስነ-ልቦና፣ የሞራል ውድቀትና እንግልት ተጋልጠዋል፡፡ እንዲህ አይነቱ የጎሳ ግጭት አርብቶ አደር በሆኑ አካባቢዎች አልፎ አልፎ ከእንሰሳት የግጦሽና የውሃ እጥረት ጋር ተያይዞ ይከሰት የነበረ ቢሆንም ከቅርብ አመታት ወዲህ ግን መልኩን እየቀየረ በመምጣት ህዝባችንን ለከፍተኛ ግጭት ከማጋለጡም በላይ ለሃገራችን ህልውና ከፍተኛ ስጋት የሚፈጥር ደረጃ ላይ እየደረሰ ይገኛል፡፡

READ  እነ አቶ መላኩ ፈንታ ነፃ በተባሉባቸው የሙስና ክሶች ላይ ዓቃቤ ሕግ ይግባኝ ጠየቀ

ባለፉት ቀናት በጭናክሰን፣ በባቢሌ፣ በሐረር፣ በድሬዳዋ፣ በበደኖና በሌሎች አካባቢዎች በሺዎች የሚቆጠሩ ህጻናትና አዛውንቶች ከፍተኛ እንግልት ላይ መሆናቸው እንደተጠበቀ ሆኖ ግጭቱ አድማሱን እያሰፋ እንዳይሄድ ኢዴፓ ከፍተኛ ስጋት አለው፡፡

እንዲህ አይነቱ ሃገራዊ ስጋትና አደጋ ተባብሶ ግጭቱ ወደ ከፋ ደረጃ ከመድረሱ በፊት ከሁሉም በላይ መንግስት ትልቁን ድርሻ በመውሰድ ያለውን መንግስታዊ መዋቅርና አደረጃጀት፣ የፖሊስ፣ የመከላከያና የጸጥታ ሃይሉን ተጠቅሞ ህዝቡን ከአደጋ የመጠበቅ ሃላፊነት አለበት፡፡

ሆኖም አስቀድሞ የፌደራል መንግስቱና የክልሉ መንግስት ባለስልጣናት ግጭቱን ለመከላከልና ጉዳቱን ለማስቀረት ያደረጉት ጥረትም ሆነ ግጭቱ ከተከሰተ በኋላ የተሰጠው ምላሽ አዝጋሚ መሆን ጉዳቱን ከፍተኛ እንዳደረገውና ፓርቲያችን ተገንዝቧል፡፡በመሆኑም

1ኛ- መንግስት ችግሩን ከምንጩ ለማድረቅ አሁን ያለውን የፌደራል ስርዓት የህዝቦችን አንድነትና መከባበር ያረጋገጠ ነው ከሚል ደረቅ ፕሮፖጋንዳ ተላቆ ለግጭት መነሻ እየሆነ ያለውን የፌደራል ስርዓቱን አወቃቀር ከቋንቋና ከብሄረሰባዊ ማንነት በተጨማሪ ሌሎች ለመከባበርና ለመቻቻል እንዲሁም ለጠንካራ ሃገራዊ አንድነት መሰረት የሚጥሉ መስፈርቶችን ያካተተ በማድረግ ፖለቲካዊ መፍትሄ ሊሰጠው ይገባል፣

2ኛ- መንግስትና የሁለቱም ክልሎች ባለስልጣናት ችግሩን አለባብሰውና የጥቂት ግለሰቦች ድርጊት አድረገው ነገሩን ከማቃለል ተቆጥበው በዘላቂነት ችግሩ የሚፈታበትን የመፍትሄ አቅጣጫ እንዲከተሉ፣

3ኛ- የክልሉ መንግስት እና የፌደራል መንግሰት የጸጥታ ሃይሎች ችግሩን ለመፍታት በሚል እየወሰዱ ያሉትን የጅምላ እስርና የሃይል እርምጃ በአስቸኳይ በማቆም ችግሩን በግዜያዊነት ለማስቆም ከሚያከናውኑት የእሳት ማጥፋት ስራ ጎን ለጎን ከዚህ ግጭት በስተጀርባ ያለውን ማንኛውንም የጥፋት እጅ አድነው መያዝ ይኖርባቸዋል፣

4ኛ- በግጭቱ ከቀያቸው የተፈናቀሉ ነዋሪዎች እርዳታ እና ወደ ቀድሞ ህይወታቸው የሚመለሱበት ድጋፍ መንግስት በአስቸኳይ እንዲያርግላቸው፣

READ  በመሥሪያ ቤቶች የህጻናት ማቆያ ባለመኖሩ ወላጅ እናቶች ከሥራ ገበታቸው እየተፈናቀሉ ነው ተባለ

5ኛ- በግጭቱ ምክንያት በሰውና በንብረት ላይ የደረሰውን ጉዳት የሚያጣራ ገለልተኛ አጣሪ አካል እንዲቋቋም እዴፓ እየተጠየቀ ከባለፉት ሁለት አመታት ወዲህ እዛም እዚሀም በተለያዩ ምክንያቶች እየተፈጠሩ ያሉ ግጭቶችና ተቃውሞዎች መስመራቸውን ስተው እንደ ሀገርና ህዝብ ዋጋ እንዳያስከፍሉን በቀጥታም ሆነ በተዘዋዋሪ ከጉዳዩ ጋር ግንኑኙት ያለን አካላት በተለይም መንግስት፣ ህዝቡ፣ የተቃዋሚ ፖለቲካ ሃይሎች፣ የመገናኛ ብዙሃን ባለሙያዎች፣ የሲቪክ ተቋማት፣ የዲፕሎማቲክ ማህበረሰቡ፣ የማህበራዊ ሚዲያ አክቲቪስቶች፣ በውጭ የሚገኙ ትውልደ ኢትዮጵያውያን፣ የእምነት ተቋማት፣ ሙሁራንና የሀገር ሽማግሌዎች የበኩላችሁን ግዴታ እንድትወጡ ኢዴፓ ጥሪውን ያስተላልፋል፡፡

የኢዴፓ ስራ አስፈጻሚ ኮሚቴ
መስከረም 12-2010 ዓ.ም
አዲስ አበባ

DIRETUBE

Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close