ከኢትዮጵያ ድንበር እስከ ጂቡቲ ድረስ የሚዘልቀው የባቡር መስመር ተመርቋል

0
867
ከኢትዮጵያ ድንበር እስከ ጂቡቲ ድረስ የሚዘልቀው የባቡር መስመር
የኢትዮ-ጂቡቲ የባቡር መስመር መገንባት የሁለቱ አገራት ትስስር ወደ ላቀ ደረጃ ያሸጋግረዋል:- ጠ/ሚ ኃይለማርያም

የኢትዮ-ጂቡቲ የባቡር መስመር መገንባት የሁለቱ አገራት ትስስር ወደ ላቀ ደረጃ ያሸጋግረዋል:- ጠ/ሚ ኃይለማርያም
የኢትዮ-ጂቡቲ የባቡር መስመር መገንባት የሁለቱን አገራት ማሕበራዊና ኢኮኖሚያዊ ትስስር ወደ ላቀ ደረጃ እንደሚያሸጋግረው ጠቅላይ ሚንስትር ኃይለማርያም ደሳለኝ ገለጹ።

ከኢትዮጵያ ድንበር እስከ ጂቡቲ ድረስ የሚዘልቀው የባቡር መስመር ዛሬ ተመርቋል።
የአንድ መቶ አመት ታሪክ ያለው የኢትዮ-ጂቡቲ የባቡር መስመር የሁለቱን አገራት ሁለንተናዊ ዕድገት በሚያመጣ መልኩ ተገንብቶ ተመርቋል።
በምረቃ ስነስርዓቱ ላይ የተገኙት የኢፌዲሪ ጠቅላይ ሚንስትር ኃይለማርያም ደሳለኝ እንዳሉት የኢትዮ-ጂቡቲ የባቡር መስመር ሁለቱ አገራት ፈጣን የኢኮኖሚ ዕድገት በማስመዝገብ ግንኙነታቸውን ወደ ላቀ ደረጃ ያሳድገዋል።

የባቡር መስመሩ መገንባት ወደ መሀል አገር ሸቀጦችን በተሽከርካሪ ለማድረስ ይወስድ የነበረውን የስድስት ቀናት ጉዞ ወደ አንድ ቀን በመቀነስ የትራንስፖርት አቅምን ያሳድጋልም ብለዋል።

የጠቅላይ ሚንስትሩ ልዩ አማካሪ አምባሳደር ብርሀነ ገብረክርስቶስ የባቡር መስመሩ ዝርጋታ በሀምሳ ዓመታት ውስጥ አህጉረ አፍሪካን በባቡር ለማስተሳሰር የተያዘውን እቅድ አካል ነው ብለዋል።

ጠቅላይ ሚንስትሩ ከ750 ኪሎ ሜትር በላይ ርዝመት ያለው የኢትዮ ጂቡቲ የባቡር መስመር አገሪቱ ለጀመረችው የኢኮኖሚ መዋቅራዊ ሽግግር አይነተኛ ሚና እንደሚጫወትም ተናግረዋል።

የጂቡቲው ፕሬዝዳንት ኢስማእኤል ኡመር ጊሌ በበኩላቸው የባቡር መስመር ግንባታው የሁለቱን አገራት ታሪካዊ ግንኙነት ይበልጥ የሚያጠናክር፣ የስራ ዕድልና የሀብት ክምችት እንደሚፈጥርም አመልክተዋል።ebc

READ  ጎንደር ዩኒቨርሲቲ በአገር አቀፍ ደረጃ 1ኛ ሆነ

NO COMMENTS