ድርቅ በደቡብ ኦሞ ዞን

0
1102
የዝናብ እጥረት እና ድርቅ
በደቡብ ክልል ደቡብ ኦሞ ዞን የተከሰወዉ የዝናብ እጥረት እና ድርቅ ከብቶችን እየገደለና እየጎዳ መሆኑን የአካባቢዉ ኗሪዎች አመለከቱ።

በደቡብ ክልል ደቡብ ኦሞ ዞን የተከሰወዉ የዝናብ እጥረት እና ድርቅ ከብቶችን እየገደለና እየጎዳ መሆኑን የአካባቢዉ ኗሪዎች አመለከቱ። አንድ የአካባቢዉ ነዋሪ በተለይም በና ፀማይ ወረዳ በርከት ባሉ ቀበሌዎች ሕዝቡ ከዚህ ቀደም ከሚከሰተዉ የከፋ መሆኑን የሚናገርለት ይህ ድርቅ ብዙ ከብቶችን እየገደለ መኖሆኑን ለዶቼ ቬለ ገልፀዋል።

በሚመለከተዉ የመንግሥት አካል ድርቁ ስላደረሰዉ ጉዳት ቅኝት እና ጥናት እየተሠራ መሆኑን የጠቆሙት እኚሁ ነዋሪ እንደሚሉትም በአካባቢዉ ነዋሪዎች ግምት ከመስከረም ወር አንስቶ ብቻ ከ6 ሺህ የሚበልጡ ከብቶች አልቀዋል። አካባቢዉ የአርብቶ አደሮች መኖሪያ እንደመሆኑም ችግሩ የከፋዉ በከብቶቹ ላይ መሆኑንም ገልፀዉልናል።

2 ድርቁ በአካባቢዉ ባጠቃላይ የሚታይ መሆኑን የሚናገሩት ነዋሪ በተለይ ግን በፀማይ 10 እና 11 የሚሆኑ ቀበሌዎች ላይ እንደጠና፣ ከፊል ሐመርም በዚሁ ችግር ተጎጂ መሆኑንም ዘርዝረዋል። ሕዝቡ ከዚህ በፊት አይተንና ሰምተን የማናዉቀዉ ባለዉ ድርቅ ምክንያትም ከሌላ አካባቢዎች የከብቶች መኖ ተጭኖ እስኪመጣ የደረሰ ቢሆንም የክልሉን ገፅታ ለመጠበቅ በሚል የደረሰዉ እና የሚደርሰዉ ጉዳት ብዙም አልተነገረለትምም ይላሉ።

የክልሉን የግብርና እንዲሁም የአደጋ መከላከል እና ፀጥታ ምላሽ ቢሮዎች ለማግኘት በተደጋጋሚ ያደረግነዉ የስልክ ጥሪ አልተሳካም። የብሑራዊ የአደጋ ስጋት ሥራ አመራር ኮሚሽን ኮሚሽነር አቶ ምትኩ ካሣ የተከሰተዉ ድርቅ እንደሚታወቅ እና የሕዝቡ የኑሮ ዋልታ የሆኑትን የከብቶቹን ሕይወት ለማትረፍም ጥረቶች እየተደረገ ነዉ ይላሉ።

አክለዉም አቶ ምትኩ በደቡብ እና ደቡብ ምሥራቅ ኢትዮጵያ የሚጠበቀዉ ዝናብ በወቅቱ አለመዝነቡንም ራሳቸዉ መናገራቸዉን በማስታወስ በድርቅ ለተጎዱት አካባቢዎች በመፍትሄነት እየተሠሩ ስላሉት ሥራዎችም እንዲህ ገልፀዋል። አካባቢዉ የአርብቶ አደሮች መኖሪያ እንደመሆኑ ድርቁ ቀጥታ ተፅኦኖዉን ያሳረፈዉ በከብቶቻቸዉ ላይ ነዉ። ኅብረተሰቡንስ አያሰጋዉ ይሆን? dw

READ  Ethiopia, Zimbabwe, Rwanda Tops in Ibrahim index of African governance

NO COMMENTS