በአስቸኳይ ጊዜ አዋጁ ወቅት በመላ ሃገሪቱ 11 ሺህ 607 ግለሰቦች በቁጥጥር ስር ውለዋል

0
7337
በአስቸኳይ ጊዜ አዋጁ
Image: በአስቸኳይ ጊዜ አዋጁ

በበላይ ተስፋዬ – (ኤፍ ቢ ሲ) በተለያዩ የሃገሪቱ ክፍሎች ተከስቶ በነበረው ሁከት እና ብጥብጥ 11 ሺህ 607 ግለሰቦች በቁጥጥር ስር መዋላቸውን የአስቸኳይ ጊዜ አዋጅ አፈጻጸም መርማሪ ቦርድ ገለጸ።

ቦርዱ ተጠርጥረው በቁጥጥር ስር የዋሉት ግለሰቦች የሚገኙበትን ማዕከላትና የታሰሩበትን ምክንያት በዛሬው እለት ይፋ አድርጓል።

በዚህም መሰረት ተጠርጣሪዎቹ በቁጥጥር ስር ውለው የሚገኙባቸው ማዕከላት፦

1. በአዋሽ ማዕከል፦ ከፊንፊኔ ዙሪያ፣ ከሰሜን ሸዋ፣ ከምስራቅ ሸዋ ዞኖች

ወንድ – 1 ሺህ 172 ሴት 2 ድምር 1 ሺህ 174

2. በጦላይ ማዕከል፦ ከቄለም ወለጋ፣ ከአርሲ፣ ከምዕራብ አርሲ፣ ከምስራቅ ሸዋ ዞኖች

ወንድ 4 ሺህ 193 ሴት 136 ድምር 4 ሺህ 329

3. በዝዋይ አላጌ ማዕከል፦ ከጉጂ፣ ምዕራብ ሀረርጌ፣ ምስራቅ ሀረርጌ፣ ከጉጂ ዞኖች

ወንድ 2 ሺህ 957 ሴት 91 ድምር 3 ሺህ 048

4. በዲላና ይርጋለም፦ ከጌዲኦ አካባቢ

ወንድ 2 ሺህ 104 ሴት 10 ድምር 2 ሺህ 114

5. በባህር ዳር ማዕከል፦ ከሰሜን ጎንደር፣ ከደቡብ ጎንደር፣ ከምስራቅ ጎጃም፣ ከአዊ ዞኖች

ወንድ 441 ሴት 91 ድምር 532

6. በአዲስ አበባ ማዕከል፦ ከአዲስ አበባ የተያዙ

ወንድ 393 ሴት 17 ድምር 410

ግለሰቦቹ የታሰሩባቸው ዋና ዋና ምክንያቶች ሁከት በመፍጠር፣ ሁከት በማስነሳት፣ ሽብር በመንዛትና አለመረጋጋት በመፍጠር፣ የግለሰቦችን ቤት፣ ህዝባዊና መንግስታዊ አገልግሎት ሰጪ ተቋማትን በማቃጠል፣ ኢንቨስትመንትን በማውደም፣ የመንግስት፣ የህዝብንና የግለሰቦችን ንብረት በመዝረፍና በማቃጠል፣ ማህበራዊ አገልግሎቶች እንዲቋረጡ በማድረግ፣ መንገድ በመዝጋትና ተሽከርካሪዎችን በማውደም፣ በቦምብና በጦር መሳሪያዎች በጸጥታ ሀይሎች ላይ ጥቃት በማድረስና በመግደል ተጠርጥረው መሆኑንም ቦርዱ አመልክቷል።

ብሄራዊ ሰንደቅ አላማን በመቅደድ እና በማቃጠል፣ የአሸባሪ ድርጅቶችን ሰንደቅ አላማ በማውለብለብ፣ የአሸባሪ ሀይሎችን የሽብር ቅስቀሳ መዕልክቶችን በማሰራጨት፣ ህገወጥ የጦር መሳሪያ መንገድና በማዘዋወር፣ ለፀረ ሰላም ድርጊት እንዲውል በማድረግ፣ አጥፊዎችን በመደበቅ እና በመተባበር እና ነውጡን በግንባር ቀደምትነት በመምራት ተጠርጥረው በቁጥጥር ስር የዋሉ እንዳሉም ቦርዱ አስታውቋል።

READ  ዛምቢያ ሴቶች የወርአበባ ሲያዩ ፍቃድ እንዲሰጣቸው ህግ አወጣች

ታሳሪዎች ከላይ በተገለፁት ማዕከላት የሚገኙ ሲሆን፥ የስም ዝርዝራቸው በየክልሉ መስተዳደር አማካኝነት ለዞኖች እና ለወረዳዎች ተልኮ የሚለጠፍ መሆኑን ነው ቦርዱ ያስታወቀው።

NO COMMENTS